Barcelona reyndi að þrýsta á De Jong til að fara frá félaginu enda gat það fengið um 70 milljónir punda fyrir leikmanninn.

De Jong neitaði að yfirgefa Börsunga og vildi þá Xavi, þjálfari félagsins, halda honum, en það var ekki í þeirra höndum.

Hann var áfram hjá félaginu og vann spænsku deildina á þessu tímabili en De Jong vonast eftir því að vera hjá liðinu um ókominn tíma.

„Manchester United ræddi við Barcelona þrátt fyrir að ég vildi vera áfram hjá félaginu. Barcelona var í erfiðri stöðu og gátu selt mig fyrir háa upphæð en ég hafði ekki áhuga á að fara neitt. Ef allt gengur upp hjá mér og félaginu þá vil ég vera hér eins lengi og möguleiki er á. Ég er búinn að vinna deildina hérna og nú er bara eitt í viðbót sem ég vil vinna á þessu tímabili og það er Þjóðadeildin með hollenska landsliðinu. Það er ekki EM eða HM en það gefur góð fyrirheit að vinna þessa keppni,“ sagði De Jong.