Manchester United undirbýr formlegt tilboð í serbneska sóknarmanninn Dusan Vlahovic (23) hjá Juventus. Vlahovic hefur sagt það skýrt að hann vill spila í Meistaradeildinni á næsta tímabili. (Football Transfers)

Chelsea hefur gert 70 milljóna punda tilboð í Vlahovic. (ESPN)

Leicester City áætlar að setja sig í samband við Graham Potter, fyrrum stjóra Brighton og Chelsea, og bjóða honum stjórastarfið. (Football Insider)

Jose Mourinho, stjóri Roma, vill fá belgíska miðjumanninn Youri Tielemans (26) þegar samningur hans við Leicester rennur út í lok tímabilsins. (Gazzetta dello Sport)

Barcelona hefur náð samkomulagi við umboðsmanninn Jorge Mendes um Ruben Neves (26), miðjumann Wolves. Líklegt er að portúgalski landlsiðsmaðurinn fari á Nývang og gæti spænski framherjinn Ansu Fati (20) farið öfuga leið sem hluti af samkomulaginu. (Sport)

Aston Villa er að skoða möguleika á að fá franska sóknarmanninn Anthony Martial (27) á láni frá Manchester United á næsta tímabili. (Football Transfers)

Framtíð Harry Kane (29), sóknarmanns Tottenham, er í óvissu og segir hann að margt þurfi að breytast hjá félaginu svo það geti notið velgengni. (Times)

Brighton og Manchester United eru að fara að keppa um að kaupa ítalska miðjumanninn Davide Frattesi (23) frá Sassuolo. (Football Insider)

Crystal Palace vill fá kólumbíska miðjumanninn Jefferson Lerma (28) en samningur hans við Bournemouth rennur út í sumar. (Sun)

Nottingham Forest mun reyna að fá enska markvörðinn Dean Henderson (26) alfarið til félagsins en hann er á lánssamningi frá Manchester United. (Telegraph)

Aston Villa og Wolves vilja fá franska miðjumanninn Habib Diarra (19) frá Strasbourg en franska félagið verðleggur hann á 20 milljónir punda. (Sun)

Manchester United er í viðræðum um framlengingu á samningi úrúgvæska vængmannsins Facundo Pellistri (21) til sumarsins 2028. (Fabrizio Romano)

Manchester City er tilbúið að selja markvörðinn Zack Steffen (28) í sumar þegar lánssamningur hans við Middlesbrough lýkur. (Sun)

Denni te Kloese framkvæmdastjóri Feyenoord segist hafa hafnað Tottenham og býst við því að stjóri hollenska liðsins, Arne Slot, geri það einnig. (ESPN)

Luciano Spalletti, stjóri Napoli, hefur ýjað að því að hann muni yfirgefa félagið í sumar. Nýlega stýrði hann Napoli til fyrsta ítalska meistaratitils félagsins í 33 ár. (Football Italia)

Massimiliano Allegri segist vilja vera áfram stjóri Juventus en það sé ekki hans að ákveða það. (Football Italia)