Alonso hefur gert ótrúlega hluti með Leverkusen á yfirstandandi leiktíð og ætlar ekki að yfirgefa félagið í sumar þrátt fyrir áhuga frá stærstu félögum Evrópu.

Liðið spilar skemmtilegan sóknarbolta undir hans stjórn og segist Alonso ekki ætla að breyta leikstílnum fyrir úrslitaleikinn.

„Við breytum engu í okkar undirbúningi, við erum búnir að spila 51 leik á tímabilinu og leikmennirnir vita nákvæmlega hvað þeir eiga að gera. Núna er kominn tími til að gera okkar besta," sagði Alonso fyrir leik.

„Þetta er ekki bara verkefni dagsins, allt tímabilið hefur leitt okkur hingað og strákarnir eru klárir í slaginn. Ég er með frábært lið og ég hef góða tilfinningu fyrir þessum leik, ég býst ekki við að neitt breytist.

„Við munum bera virðingu fyrir Atalanta en við erum fullir sjálfstrausts. Við vitum hvað við getum gert með okkar leikstíl."