„Það eru alltaf vonbrigði að tapa," sagði Heimir Guðjónsson, þjálfari Vals, eftir tap gegn Víkingi í toppbaráttuslag í Pepsi Max-deildinni í kvöld.
Lestu um leikinn: Víkingur R. 2 - 1 Valur
„Það var eitt lið á vellinum í fyrri hálfleik. Við vorum undir í öllum grunnatriðum leiksins. Við vorum í hálfgerðum feluleik og vildum ekkert fá boltann. Við náðum að sleppa með 2-0 inn í hálfleik. Seinni hálfleikur var betri."
Lokatölur 2-1 fyrir Víkinga sem eru í öðru sæti með 36 stig. Valsmenn eru áfram á toppnum á markatölu.
„Við þurfum að fara yfir það af hverju við mættum svo illa stemmdir í þennan leik, og vera klárir í næsta leik."
Heimir var léttur að lokum þegar honum var tjáð að Valur væri á toppnum á markatölu, þökk sé marki sem þeir skoruðu undir lokin. „Manni líður strax miklu betur," sagði Heimir og glotti.
Allt viðtalið má sjá hér að ofan.
Athugasemdir