Alaves 0 - 2 Athletic Bilbao
0-1 Inaki Williams ('18)
0-2 Ohian Sancet ('76)
Inaki Williams var hetjan í kvöld er Athletic Bilbao heimsótti Alaves í fyrsta leik helgarinnar í efstu deild Spánar, La Liga. Liðin mættust í alvöru grannaslag í Baskalandi þar sem aðeins um 60 kílómetrar eru á milli Bilbao og Vitoria-Gasteiz, þar sem Alaves leikur heimaleiki sína.
Williams skoraði eftir átján mínútna leik en heimamenn í Alaves voru sterkari aðilinn á vellinum.
Það vantaði smá gæði og heppni í lið heimamanna því þeim tókst ekki að skora þrátt fyrir góð tækifæri, en Williams er leikmaður sem býr yfir óneitanlegum gæðum og lagði hann annað mark gestanna upp í síðari hálfleik.
Williams gaf stoðsendingu á Ohian Sancet sem tvöfaldaði forystuna og gerði út um viðureignina.
Williams og Athletic hafa farið vel af stað á nýju tímabili þar sem liðið er með 13 stig eftir 6 umferðir. Williams er búinn að skora þrjú og gefa tvær stoðsendingar, en yngri bróðir hans Nico Williams er fjarverandi vegna meiðsla. Nico er talinn geta orðið betri leikmaður heldur en Inaki hefur nokkurn tímann verið.
Inaki Williams er 29 ára gamall og hefur skorað 87 mörk í 388 leikjum með Athletic. Hann lék lengst af sem kantmaður eða framherji á ferlinum en er nýlega byrjaður að spila á miðjunni.
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 34 | 25 | 4 | 5 | 91 | 33 | +58 | 79 |
| 2 | Real Madrid | 34 | 23 | 6 | 5 | 69 | 33 | +36 | 75 |
| 3 | Atletico Madrid | 34 | 19 | 10 | 5 | 56 | 27 | +29 | 67 |
| 4 | Athletic | 34 | 16 | 13 | 5 | 50 | 26 | +24 | 61 |
| 5 | Villarreal | 34 | 16 | 10 | 8 | 60 | 47 | +13 | 58 |
| 6 | Betis | 34 | 16 | 9 | 9 | 52 | 42 | +10 | 57 |
| 7 | Celta | 34 | 13 | 7 | 14 | 52 | 52 | 0 | 46 |
| 8 | Osasuna | 34 | 10 | 14 | 10 | 42 | 50 | -8 | 44 |
| 9 | Vallecano | 34 | 11 | 11 | 12 | 36 | 42 | -6 | 44 |
| 10 | Mallorca | 34 | 12 | 8 | 14 | 31 | 39 | -8 | 44 |
| 11 | Real Sociedad | 34 | 12 | 7 | 15 | 32 | 37 | -5 | 43 |
| 12 | Valencia | 34 | 10 | 12 | 12 | 40 | 51 | -11 | 42 |
| 13 | Getafe | 34 | 10 | 9 | 15 | 31 | 31 | 0 | 39 |
| 14 | Espanyol | 34 | 10 | 9 | 15 | 36 | 44 | -8 | 39 |
| 15 | Sevilla | 34 | 9 | 11 | 14 | 37 | 46 | -9 | 38 |
| 16 | Girona | 34 | 10 | 8 | 16 | 41 | 52 | -11 | 38 |
| 17 | Alaves | 34 | 8 | 11 | 15 | 35 | 46 | -11 | 35 |
| 18 | Las Palmas | 34 | 8 | 8 | 18 | 40 | 56 | -16 | 32 |
| 19 | Leganes | 34 | 6 | 13 | 15 | 32 | 51 | -19 | 31 |
| 20 | Valladolid | 34 | 4 | 4 | 26 | 25 | 83 | -58 | 16 |
