Ragnar Bragi, fyrirliði Fylkis fór aðeins yfir sviðið með fréttamanni fótbolta.net eftir tap liðsins gegn Fram fyrr í kvöld. Fylkismenn sitja á botni deildarinnar þegar það eru fjórir leikir eftir.
Lestu um leikinn: Fram 2 - 0 Fylkir
„Þetta er mjög súrt, mér fannst við alveg vera með leikinn í okkar höndum þegar þeir skora fyrsta markið og svo er annað markið bara slys.''
„Gott svar við útreiðinni síðast, þannig frammistöðulega séð er ég ánægður með liðið, kraftinn og baráttuna. En auðvitað gríðarlega svekkjandi að tapa þessum leik.''
„Það er skárra að tapa og eiga ágæta frammistöðu sem er hægt að byggja eitthvað á heldur en það sem gerðist síðustu helgi.''
Viðtalið má sjá í heild í spilaranum hér að ofan en þar fer Ragnar Bragi nánar í saumana á leiknum og framhaldinu.
Athugasemdir
