Bjarki Steinn Bjarkason, leikmaður Venezia sem er á láni hjá Foggia út tímabilið, komst áfram í næstu umferð umspilsins í ítölsku C-deildinni í gær.
Foggia vann seinni leikinn gegn Audace Cerignola í gær 3-0 eftir að hafa tapað fyrri leiknum 4-1 á útivelli. Reglurnar í umspilinu eru þannig að ef einvígi enda jöfn þá fer liðið sem endaði ofar í deildinni áfram í næstu umferð. Foggia endaði stigi fyrir ofan Cerignola í deildinni í vetur og er á leið í 8-liða úrslitin þar sem Crotone verður andstæðingurinn.
Foggia vann seinni leikinn gegn Audace Cerignola í gær 3-0 eftir að hafa tapað fyrri leiknum 4-1 á útivelli. Reglurnar í umspilinu eru þannig að ef einvígi enda jöfn þá fer liðið sem endaði ofar í deildinni áfram í næstu umferð. Foggia endaði stigi fyrir ofan Cerignola í deildinni í vetur og er á leið í 8-liða úrslitin þar sem Crotone verður andstæðingurinn.
Sigurinn í gær var mjög dramatískur. Staðan í leiknum var markalaus eftir 78 mínútur en þá kom fyrsta mark heimamanna, annað markið kom á fjórðu mínútu uppbótartíma og þriðja markið svo á sjöundu mínútu uppbótartíma. Bjarki lék allan leikinn í gær.
Bjarki lék einnig fyrri leikinn og skoraði þá eina mark Foggia. Það mark kom á 49. mínútu og minnkaði þá muninn í 2-1.
Fyrri leikur Foggia gegn Crotone fer fram 27. maí og seinni leikurinn fer fram 31. maí.
Bjarki þekkir vel til í umspilinu á Ítalíu því hann fór upp úr B-deildinni með Venezia vorið 2021. Bjarki er 23 ára gamall og lék samkvæmt Flashscore í hægri vængbakverði í leikjunum tveimur. Hann á að baki tvo A-landsleiki.
Bjarki Steinn og félagar í Foggia 4-1 undir eftir fyrri leikinn í playoffinu (BSB með markið). Vinna seinni leikinn 3-0 á útivelli með mörkum á 90+4 og 90+7. Komnir í undanúrslit. Bjarki Steinn neitar að tapa playoff einvígjum https://t.co/6nd9or0SZk
— Björn Már Ólafsson (@bjornmaro) May 22, 2023
Athugasemdir