banner
   þri 23. maí 2023 13:28
Sæbjörn Þór Þórbergsson Steinke
Saka framlengir við Arsenal (Staðfest)
Mynd: Getty Images
Undanfarnar vikur hefur mikið verið skrifað um að Bukayo Saka myndi skrifa undir nýjan langtímasamning við Arsenal.

Það var svo gefið út í dag að enski kantmaðurinn væri búinn að framlengja. Gamli samningurinn hefði runnið út næsta sumar.

Saka er 21 árs og hefur skorað fjórtán mörk og lagt upp ellefu á þessu tímabili, frábært tímabil hjá kappanum. Í tilkynningu Arsenal kemur fram að um langtímasamning sé að ræða og Sky Sports greinir frá því að hann gildi fram á sumarið 2027.

Saka er uppalinn hjá Arsenal, kom til félagsins sjö ára gamall eftir að hafa byrjað hjá Watford. Hann lék sinn fyrsta leik í nóvember 2018 og sinn fyrsta A-landsleik árið 2020.

Saka hefur ekki misst af úrvalsdeildarleik á undanförnum tveimur tímabilum; lék alla leikina á síðasta tímabili og hefur komið við sögu í öllum 37 leikjunum til þessa á þessu tímabili.
Athugasemdir
banner
banner
banner
banner
banner