„Þetta átti að vera mótið þar sem maðurinn sem hefur verið bestur í heimi stærstan hluta tveggja síðustu áratuga fær tækifæri á að ná í einu verðlaunin sem hafa farið framhjá honum í íþróttinni. Þetta átti að vera mótið þar sem hann er loksins með aukaleikara sem geta hjálpað honum að ná því markmiði."

Messi kom Argentínu yfir úr vítaspyrnu en var annars langt frá sínu besta og talað um að hann sé greinilega ekki 100% heill. Holt telur að aldurinn sé farinn að láta til sín taka hjá Messi.

„Svo margir bjuggust við því að þetta yrði lokasýningin þar sem snilli Messi myndi blómstra, og auðvitað gæti mótið enn þróast þannig. Spánn tapaði fyrsta leik sínum á HM og vann svo mótið," skrifar Holt.

„En þetta tap var sársaukafullt högg fyrir Messi. Þetta var ekki bara vísbending um að aukaleikararnir væru ekki nægilega góðir, heldur um að Messi gæti ekki lengur borið liðið uppi eins og hann gerði. Það eru alltaf forréttindi að horfa á þennan snilling og hann sýndi takta inni á milli en var að mestu skugginn af sjálfum sér."

„Það er staðreynd að hann er að eldast. Hann tekst betur á við það hvernig aldurinn er að ná honum en Cristiano Ronaldo gerir, en aldurinn er að ná honum engu að síður. Tapið í gær táknaði ekki endalok besta leikmanns heims, en það var upphafið að endalokunum."

Argentína á eftir að mæta Mexíkó og Póllandi en þau lið gerðu markalaust jafntefli í gær.