Fjölnir tilkynnti í dag á samfélagsmiðlum sínum að félagið væri búið að ráða Úlf Arnar Jökulsson sem nýjan aðalþjálfara meistaraflokks karla.
Úlfur tekur við liðinu af Ásmundi Arnarssyni sem hætti með liðið eftir að tímabilinu í ár lauk. Úlfur hefur undanfarin fjögur ár stýrt öðrum flokki Fjölnis og samhliða því stýrði Úlli, eins og hann er oftast kallaður, liði Vængjum Júpíters í sumar.
Úlfur tekur við liðinu af Ásmundi Arnarssyni sem hætti með liðið eftir að tímabilinu í ár lauk. Úlfur hefur undanfarin fjögur ár stýrt öðrum flokki Fjölnis og samhliða því stýrði Úlli, eins og hann er oftast kallaður, liði Vængjum Júpíters í sumar.
Á árunum 2014-2017 var hann þjálfari meistaraflokks hjá nágrönnum Fjölnis í Aftureldingu.
Með Úlla í þjálfarateyminu verður Gunnar Sigurðsson aðstoðarþjálfari. Gunni hefur verið í þjálfarateymi Fjölnis undanfarin tíu ár.
„Unnið er að enn frekari viðbót við annars öflugt þjálfarateymi," segir í færslu Fjölnis.
Fjölnir endaði í 3. sæti Lengjudeildarinnar í sumar eftir að hafa fallið úr efstu deild á síðasta tímabili.
Athugasemdir