Jadon Sancho átti 20 ára afmæli í gær og hefur hann skorað 27 mörk í þýsku deildinni frá komu sinni til Borussia Dortmund fyrir tæpum þremur árum.
Hann er því markahæsti táningurinn í sögu efstu deildar og aðeins þremur mörkum frá meti Kai Havertz, sem varð á dögunum yngsti leikmaðurinn til að skora 30 mörk í efstu deild.
Havertz er næstmarkahæsti táningur deildarinnar með 24 mörk. Goðsagnirnar Horst Köppel, Olaf Thon og Klaus Fischer eru einnig á lista yfir fimm markahæstu táninga í sögu efstu deildar.
Það sem Sancho hefur þó umfram aðra er að hann hefur einnig verið gríðarlega duglegur við að leggja upp mörk. Havertz er iðinn við að leggja upp og er með 24 stoðsendingar í efstu deild, en Sancho er búinn að búa til 37 mörk í talsvert færri leikjum.
Havertz á 110 leiki að baki í efstu deild á meðan Sancho hefur aðeins spilað 69 leiki.
27 - @Sanchooo10 (@BlackYellow), who turns 20 today, has scored 27 #Bundesliga goals as a teenager - more than any other player in the history of the competition. Jewel. pic.twitter.com/5gQi7NPkOc
— OptaFranz (@OptaFranz) March 25, 2020
Athugasemdir