Midtjylland var á toppnum með eins stigs forystu á Bröndby fyrir leikinn í kvöld og átti því möguleika á að færast nær titlinum.

Heimamenn í Nordsjælland komust yfir snemma leiks með marki úr vítaspyrnu áður en Sory Kaba jafnaði metin undir lok fyrri hálfleiks.

Mikael var í byrjunarliði Midtjylland og var hann arkitektinn að öðru marki gestann á 54. mínútu er Pione Sisto skoraði. Mikael fór hins vegar af velli á 81. mínútu og aðeins tveimur mínútum síðar jöfnuðu heimamenn í Nordsjælland.

Simon Adingra tryggði svo Nordsjælland sigurinn í uppbótartíma og lokatölur 3-2 fyrir heimamenn.

Midtjylland er í efsta sætinu með 53 stig, stigi á undan Bröndby þegar fimm leikir eru eftir.