Tímabilið hjá Chelsea hefur verið gríðarleg vonbrigði en liðið getur í besta falli endað í 11. sæti í deildinni.
Reece James hefur verið mikið frá vegna meiðsla og hann var ekki með í 4-1 tapi liðsins gegn Man Utd í næst síðustu umferð. Frank Lampard bráðabirgðarstjóri Chelsea staðfesti að hann verði ekki með gegn Newcastle í lokaumferðinni á sunnudaginn.
James er miður sín að geta ekki tekið þátt en hann sendi stuðningsmönnum liðsins skilaboð á Instagram þar sem hann afsakar slakt tímabil.
„Ég er viss um að þið hafið séð fréttirnar. Ég verð ekki klár fyrir síðasta leikinn á tímabilinu. Þetta hefur verið erfitt fyrir mig, ég biðst afsökunnar að þetta tímabil hefur ekki farið eins og við öll vildum," skrifaði James.
Athugasemdir
