Lengjudeildin: Fjölnir valtaði yfir Þór í Egilshöll

Þór fékk tækifæri til að komast upp fyrir Fjölni í Lengjudeildinni í kvöld en liðin mættust í Egilshöll.

Fjölnismenn gersamlega völtuðu yfir Þórsarana hins vegar, staðan var orðin erfið fyrir Þór í hálfleik þar sem Fjölnismenn voru komnir í 3-0.

Liðið bætti þremur mörkum við í seinni hálfleik og 6-0 sigur Fjölnis staðreynd. Axel Freyr Harðarson var stórkostlegur hjá Fjölni þar sem hann skoraði tvö mörk og lagði upp tvö.

Fjölnir fer á toppinn í deildinni með betri markatölu en Afturelding.