Völdu leikmenn sem hafa valdið mestum vonbrigðum í Bestu-deildinni

Óskar Örn Hauksson (Stjarnan) - ,,Einn besti leikmaður í sögu efstu deildar á Íslandi er fenginn til Stjörnunnar og geymdur á bekknum. Gústi segir að taktískt komist hann ekki í liðið og nýtist ekki í leikjum. Vonbrigðin eru þau að við fáum ekki að sjá hann,"

Finnur Tómas Pálmason (KR) - ,,Ég verð að skipta honum (Kjartan Henry) út fyrir Finn Tómas, því hann hefur ekkert getað."

Ólafur Íshólm Ólafsson (Fram) - ,,Leikmaður sem ég taldi að yrði besti leikmaður Fram í sumar en ég á mér litlar málsbætur. Búinn að fá á sig víti á klaufalegan hátt tvo leiki í röð."

Joey Gibbs (Keflavík) - ,,Ég var að búast við meiru af honum. Ef þeir væru með þrjú eða fjögur mörk einhverstaðar á crucial tímapunkti frá honum þá væru þeir í mixinu með KR í efri hlutanum."

Andri Rúnar Bjarnason (ÍBV) - ,,Eiginlega voru Eyjamenn að hífa Andra Rúnar upp í þetta frekar en Gauja Lýðs, alla vega báðir vonbrigði."

Guðjón Pétur Lýðsson (ÍBV) - ,,Búið að vera eins og allir vita bras. Þjálfararifrildi, settur í skammarkrókinn og allt það."

Steven Lennon (FH) - ,,Baldur Sig sagði að hann byggist við því að Eiður Smári kæmi Lennon af stað, eins og síðast. Lenny verður að átta sig á því að hann hefur sætt ævintýralega háa standarda fyrir sjálfan sig."

Cristian Köhler (ÍA) - ,,Er ekki komið á daginn að hann er ekki spes? Þetta var ekkert bara Valur lélegir í fyrra heldur mögulega voru þeir lélegir því hann var í liðinu."

Maciej Makuszewski (Leiknir R.) - ,,Hann hefur engan veginn staðið undir væntingum. Hann náði að troða inn jöfnunarmarki á móti FH en maður bjóst við miklu meiri ógn af honum."

Steinþór Már Auðunsson (KA) - ,,Því miður. Hann ver ekki nóg og er að valda vonbrigðum, alveg eins og hann hefur sig upp í skýin í fyrra og réttilega því hann var algjörlega frábær en þá verður hann að taka gagnrýni núna."

Enginn sem stendur upp úr hjá Val - ,,Eigum við að taka Aron Jó? Ráin er há, hann hefur átt alveg góða leiki. Mér fannst alltaf skrítið að allir væru að segja að hann væri besti leikmaður í heimi. Gæðin eru ævintýraleg. Heildin hefur verið slök. Tryggvi Hrafn hefur ekki verið neitt spes og Gandri, Birkir Heimis í einn eða tvo leiki. Enginn sem hefur staðið upp úr eins og hjá mörgum liðum."

Ingvar Jónsson (Víkingur R.) - ,,Byrjaði illa og meiðist. Hann var búinn að eiga nokkra góða leiki áður en hann meiðist í þessari landsliðsferð. Ég set Ingvar þarna því miður, eins mikið og ég elska hann."