Engin breyting var á byrjunarliði ÍA í síðustu þremur leikjum. En Lárus Orri Sigurðsson þarf að gera allavega eina breytingu á sínu liði því fyrirliðinn Rúnar Már Sigurjónsson tekur út leikbann.

Lárus er með nokkra kosti í stöðunni en líklegast þykir að Hlynur Sævar Jónsson komi inn í liðið. Annar möguleiki er að Marko Vardic færi sig niður í hjarta varnarinnar og þá er Lárus með bæði Steinar Þorsteinsson og Guðfinn Þór Leósson sem kosti á miðjuna. Jonas Gemmer ætti einnig að vera mættur aftur eftir að hafa farið til Danmerkur vegna persónulegra ástæðna.

Það er erfiðara að rýna í lið KR. Óskar Hrafn Þorvaldsson gerði markmannsbreytingu fyrir síðasta leik, Arnar Freyr Ólafsson kom inn fyrir Halldór Snæ Georgsson. Við spáum því að Arnar verði áfram í markinu, en Óskar er allt eins líklegur til að setja Halldór aftur í markið.

Michael Akoto og Eiður Gauti Sæbjörnsson hafa verið á meiðslalistanum og spurning hvort þeir verði til taks á morgun.

Hjá KR er Amin Cosic í banni og verður því ekki með gegn ÍA. Júlíus Mar Júlíusson snýr til baka úr leikbanni og kemur inn í liðið. Við spáum því svo að Atli Hrafn Andrason byrji í stað Guðmunds Andra Tryggvasonar.

Leikir morgundagsins í Bestu deildinni
Besta-deild karla - Efri hluti
14:00 FH-Breiðablik (Kaplakrikavöllur)

Besta-deild karla - Neðri hluti
14:00 ÍA-KR (ELKEM völlurinn)