Saga hins 19 ára gamla Taylor er mögnuð. Fyrir um 12 mánuðum síðan hóf hann lyfjameðferð vegna eistnakrabbameins. Hann brást vel við lyfjameðferðinni og byrjaði aftur að æfa í september.

Hann hefur verið að spila með U23 liði United og gæti fengið tækifæri með aðalliðinu á fimmtudaginn.

Manchester United er nú þegar komið áfram í Evrópudeildinni og Ole Gunnar Solskjær ætlar að skilja lykilmenn eftir heima á Englandi. Hann tekur unga leikmenn með til Kasakstan.

Nicky Butt fer með Solskjær til Kasakstan en hann tók í sumar við nýju starfi hjá United þar sem hann er yfirmaður yfir ungum leikmönnum sem eru að koma upp í aðalliðið.

Kieron McKenna og Michael Carrick, sem eru í þjálfaraliði Solskjær, verða hins vegar ekki með í leiknum gegn Astana. Þeir verða eftir heima í Manchester og sjá um æfingar og undirbúa leikmenn fyrir leikinn geng Aston Villa á sunnudaginn.

Manchester Evening News hefur birt hópinn sem fer til Kasakstan.

Hópurinn: Lee Grant, Matej Kovar, Max Taylor, Luke Shaw, Axel Tuanzebe, Dylan Levitt, Teden Mengi, DiShon Bernard, Largie Ramazani, Ethan Laird, Ethan Galbraith, Arnau Puigmal, D'Mani Bughail-Mellor, James Garner, Jesse Lingard, Tahith Chong, Angel Gomes, Mason Greenwood.