Hann hættir ekki að skora. Pólski framherjinn Robert Lewandowski skoraði í kvöld fernu þegar Bayern München vann 6-0 sigur á Rauðu stjörnunni frá Serbíu og tryggði sér sigur í B-riðli Meistaradeildarinnar.
Lewandowski skoraði sitt fyrsta mark á 53. mínútu úr vítaspyrnu, og það fjórða og síðasta á 67. mínútu; öll fjögur mörkin komu á 14 mínútum.
Allt í allt skoraði hann mörkin fjögur á 14 mínútum og 31 sekúndu.
Opta segir frá því að þetta sé fljótasta ferna sem skoruð hefur verið í sögu Meistaradeildarinnar.
Lewandowski er þá aðeins annar leikmaðurinn í sögunni sem nær að skora 4+ mörk í Meistaradeildarleik oftar en einu sinni. Hinn leikmaðurinn er Lionel Messi.
Lewandowski þekkir það vel að vera fjótur að skora fjölda mark. Árið 2015 skoraði hann fimm mörk á níu mínútum í leik í þýsku úrvalsdeildinni.
Pólski sóknarmaðurinn, sem er 31 árs, hefur verið sjóðheitur á þessu tímabili og skorað 27 mörk í 20 leikjum í öllum keppnum.
14 - Robert Lewandowski has scored in 14 minutes & 31 seconds the fastest ever quadruple in the history of the Champions League. Cyborg 🤖. @FCBayern pic.twitter.com/HOCI7Pk3bF
— OptaJean (@OptaJean) November 26, 2019
Athugasemdir