Vardy hefur gert sex mörk í sautján deildarleikjum á þessu tímabili en var afar ósáttur við sjálfan sig er hann fékk dauðafæri til þess að skora í leiknum.

Englendingurinn fékk boltann á fjærstönginni fyrir nánast opnu marki en hitti hann illa. Vardy refsaði sjálfum sér fyrir að klúðra þessu færi og tók upp á því að kýla sjálfan sig.

Leicester hafði greinilega gaman af þessu uppátæki og birti myndband af því á samfélagsmiðlum eins og má sjá hér fyrir neðan.