Það eru níu leikir á dagskrá á undirbúningsmótum fyrir íslenska keppnistímabilið yfir helgina og hefst veislan strax í kvöld þegar þrír leikir fara fram í Reykjavíkurmóti kvenna.
Þar eigast Fylkir og Valur við í úrslitaleik A-riðils áður en Fjölnir tekur á móti Þrótti R. í úrslitaleik B-riðilsins.
Liðin sem hafa betur í leikjum kvöldsins mætast í úrslitaleik Reykjavíkurmótsins.
Á morgun, laugardag, á KR leik við ÍR í Reykjavíkurmóti karla á meðan Fylkir tekur á móti Víkingi R. Liðin leika öll í gífurlega spennandi A-riðli þar sem allir eru jafnir með þrjú stig fyrir lokaumferðina.
Víkingur R. er í efsta sæti á markatölu með +1 og Fylkir því neðsta með -1. Ótrúlega spennandi lokaumferð í A-riðli þar sem sigurvegarinn mun mæta Fram í úrslitaleik.
Til gamans má geta að KR og ÍR eigast bæði við í karla- og kvennaflokki Reykjavíkurmótsins á morgun. Karlarnir spila á KR-velli en konurnar í Egilshöll.
Þá eru einnig leikir á dagskrá á Kjarnafæðismótinu á Akureyri þar sem KA og Þór munu mætast í úrslitaleiknum líkt og áður.
Föstudagur:
Reykjavíkurmót kvenna - A-riðill
19:00 Víkingur R.-Fram (Víkingsvöllur)
19:00 Fylkir-Valur (Würth völlurinn)
Reykjavíkurmót kvenna - B-riðill
20:00 Fjölnir-Þróttur R. (Egilshöll)
Laugardagur
Reykjavíkurmót karla - A-riðill
14:00 KR-ÍR (KR-völlur)
14:00 Fylkir-Víkingur R. (Würth völlurinn)
Reykjavíkurmót kvenna - B-riðill
18:00 KR-ÍR (Egilshöll)
Þungavigtarbikarinn - úrslitaleikur um 3. sæti:
12:00 Stjarnan - Keflavík
Kjarnafæðismótið - Karla: A-deild, riðill 1
19:00 Dalvík/Reynir-Þór 2 (Boginn)
Kjarnafæðismótið - Karla: A-deild, riðill 2
17:00 KFA-KF (Boginn)
Sunnudagur:
Kjarnafæðismótið - Kvenna
15:00 Völsungur-Þór/KA (Boginn)