Táningurinn umtalaði Estevao mun ganga til liðs við Chelsea í sumar eftir að hann heldur upp á 18. afmælisdaginn sinn.
Estevao verður 18 ára í lok apríl en hann mun þó ekki ganga til liðs við Chelsea fyrr en seint í sumar, eftir að HM félagsliða lýkur.
Fótboltafréttamaðurinn Fabrizio Romano greinir frá því að þetta sé markmiðið hjá brasilíska ungstirninu, sem leikur fyrir Palmeiras í heimalandinu.
Estevao er kominn með fjóra A-landsleiki fyrir Brasilíu þrátt fyrir ungan aldur og hefur verið kallaður 'Messinho' vegna líkinda sinna við brasilísku stórstjörnuna Lionel Messi.
Hann er hægri kantmaður að upplagi en vill spila sem sóknartengiliður, í holunni fyrir aftan fremsta mann.
HM félagsliða hefst 14. júní og lýkur 13. júlí. Palmeiras er þar í riðli með Porto, Al-Ahly og Inter Miami.
Chelsea tekur einnig þátt í keppninni og er eitt af tveimur liðum frá Englandi, ásamt Manchester City. Hver þjóð fær mest að hafa tvo fulltrúa á HM.
Athugasemdir
