2. deild: Fyrsti sigur KV staðreynd - Hörmuleg byrjun hjá KF
Ingólfur skoraði.
Mynd: Fótbolti.net - Hafliði Breiðfjörð
Ingólfur skoraði.
Mynd: Fótbolti.net - Hafliði Breiðfjörð
Leikið er í fjórðu umferð í annari deild karla í dag en tveir leikir eru búnir. Höttur/Huginn átti að mæta Haukum einnig en þeim leik var frestað.
Í Vesturbænum mættu þjálfaralausir Sindra menn í heimsókn en Óli Stefán Flóventsson er í tímabundnu leyfi en ekki er ljóst hvort hann muni halda áfram með liðið.
KV vann sinn fyrsta sigur í dag en Ingólfur Sigurðsson og Vilhjálmur Kaldal Sigurðsson komu KV í tveggja marka forystu áður en Ivan Paponja lagaði stöðuna á 77. mínútu. KV er því með fjögur stig eftir fjóra leiki eins og Sindri.
Þá gekk hörmulegt gengi KF áfram en liðið tapaði 1-0 á útivelli gegn Þrótti Vogum. Adam Árni Róbertsson gerði eina mark leiksins með hjólhestaspyrnu í upphafi leiks.
KF er í neðsta sæti deildarinnar með núll stig og markatöluna -10. Þróttur Vogum er með sjö stig í þriðja sæti deildarinnar.
KV 2 - 1 Sindri
1-0 Ingólfur Sigurðsson ('4 )
2-0 Vilhjálmur Kaldal Sigurðsson ('61 )
2-1 Ivan Paponja ('77 )
Þróttur V. 1-0 KF
1-0 Adam Árni Róbertsson ('2)
