Kevin Nolan, sem var í þjálfarateymi David Moyes hjá West Ham, kennir stjóranum um slæmt gengi liðsins seinni hluta tímabilsins.
Þegar mótið var hálfnað var West Ham í 6. sæti eftir góðan 2-0 sigur á Arsenal en liðið vann aðeins fjóra leiki eftir það og féll m.a. úr leik gegn Bristol City í enska bikarnum.
Í febrúar fóru vangaveltur af stað með samningamál Moyes en stjórinn vildi ekki ræða þau mál í fjölmiðlum.
„Þetta var óljóst frá því í janúar þegar stjórinn steig fram og sagði 'Við munum ræða þetta eftir tímabilið'. Maður sá alltaf breytingar á viðhorfi leikmanna og ég held að það gerist út af óvissunni," sagði Nolan.
„Leikmennirnir fóru að spurja okkur þjálfarana: 'Hvað er í gangi? veist þú það? Hefur þú heyrt eitthvað? en við höfðum ekkert heyrt. Eins mikið og ég vil segja eitthvað þá hafði ég ekki hugmynd."
