Roberto Firmino framherji Liverpool hefur verið orðaður við Juventus og samkvæmt heimildum erlendra fjölmiðla hefur Liverpool þegar hafnað tilboði frá ítalska félaginu.
Firmino hefur verið mikilvægur hlekkur í liði Liverpool undanfarin ár en hann var mikið meiddur á síðustu leiktíð og Diogo Jota hefur komið sterkur inn í liðið í hans stað.
Nú hefur Liverpool bætt við sig Darwin Nunez á markaðnum í sumar.
Glen Johnson fyrrum leikmaður Liverpool tjáði sig um stöðu Firmino á dögunum.
„Ef þú ert topp leikmaður viltu spila í hverri viku svo ég veit ekki hvernig honum líður með það að spila mögulega minna á næstu leiktíð. Klopp elskar hann augljóslega og hann er goðsögn hjá félaginu," sagði Johnson.
„Verður hann ánægður með að spila síðustu 20 mínúturnar í nokkrum leikjum? örugglega ekki. Ég held að hann verði ekki eitt af fyrstu nöfnunum á blað á leikdegi en hann mun spila stóra rullu."