Viking er á toppnum með 50 stig, stigi á undan Bodö/Glimt sem á leik til góða og sjö stigum á undan Íslendingaliði Brann sem á tvo leiki til góða. Sarpsborg er í 9. sæti með 29 stig.

Arnór Ingvi Traustason og Ísak Andri Sigurgeirsson voru í byrjunarliðinu og Jónatan Guðni Arnarsson ónotaður varamaður þegar Norrköping tapaði 2-0 gegn Hacken í sænsku deildinni. Norrköping er í 11. sæti með 29 stig eftir 25 umferðir.

Rúnar Þór Sigurgeirsson, Daníel Leó Grétarsson og Kristall Máni Ingason voru allir í byrjunarliði Sönderjyske sem tapaði 2-1 gegn FCK í dönsku deildinni. Viktor Bjarki Daðason var á bekknum hjá FCK í þriðja leiknum í röð. Rúnar þurfti að fara af velli snemma leiks.

FCK er á toppnum með 20 stig eftir tíu umferðir en Sönderjyske er í 7. sæti með 11 stig.

Valgeir Lunddal Friðriksson var í byrjunarliði Dusseldorf sem vann Bochum 1-0 í næst efstu deild í Þýskalandi. Dusseldorf er í 9. sæti með 10 stig eftir sjö umferðir.

Nökkvi Þeyr Þórisson kom inn á í blálokin þegar Sparta Rotterdam tapaði 3-0 gegn Heracles í efstu deild í Hollandi. Sparta er í 11. sæti með níu stig eftir sjö umferðir en þetta voru fyrstu stig Heracles.

Oliver Stefánsson var ónotaður varamaður þegarr Tychy tapaði 3-1 gegn Pogon Siedice í næst efstu deild í Póllandi. Tychy er í 13. sæti með 11 stig eftir 11 umferðir. Davíð Kristján Ólafsson var ónotaður varamaður í 1-1 jafntefli Cracovia gegn Gronik Zebrze í efstu deild. Cracovia er í 2. sæti með 18 stig eftir níu umferðir. Cracovia er einmitt stigi á eftir Gronik og á leik til góða.