Argentínumaðurinn Maxi Rodriguez hefur tilkynnt það að skórnir séu farnir upp í hilluna frægu.
Maxi, sem er fertugur, hóf feril sinn hjá Newell's Old Boys í heimalandinu og þar endaði ferilinn einnig.
Maxi er þekktastur fyrir tíma sinn hjá Atletico Madrid og hjá Liverpool. Hjá Madrid lék hann á árunum 2005-2010 og skoraði hann þar 44 mörk.
Þá lék hann hjá Liverpool á árunum 2010-2012 og skoraði hann 17 mörk í 73 leikjum. Kappinn á að baki 57 leiki með landsliði Argentínu.
„Augnablikið er komið sem ég hélt að myndi aldrei koma, augnablikið að hætta í fótbolta. Þetta er mjög erfið ákvörðun en á sama tíma er ég rólegur," sagði Maxi á Instagram.
„Ég vil þakka öllum fyrir, ég gaf allt sem ég átti á ferli mínum og skil ekkert eftir."
Maxi Rodriguez has announced his retirement from football. He took part in 3 FIFA World Cups for Argentina, scoring the penalty which took Argentina to to the 2014 final. Also scored one of the greatest goals in World Cup history at the 2006 World Cup. Thank you for everything. pic.twitter.com/FCEOa7LbHB
— Roy Nemer (@RoyNemer) November 26, 2021
Athugasemdir