Stjarnan 3-3 Keflavík
Mörk Stjörnunnar:
Adolf Daði Birgisson
Kjartan Már Kjartansson
Ísak Andri Sigurgeirsson.
Sindri Þór Guðmundsson x2
Axel Ingi Jóhannesson.
Stjarnan og Keflavík mættust í dag í Þungavigtarbikarnum en spilað var í Garðabæ í hádeginu í dag.
Leiknum lauk með fjörugu jafntefli en eftir venjulega leiktíma var staðan 3-3. Keflavík lenti undir 1-0 í leiknum en komst svo í 3-1. Stjarnan skoraði svo tvö mörk seint í leiknum. Því fór leikurinn í vítaspyrnukeppni þar sem Stjarnan hafði betur og endar því liðið í þriðja sæti mótsins.
Adolf Daði Birgisson, Kjartan Már Kjartansson og Ísak Andri Sigurgeirsson gerðu mörk Stjörnunnar í leiknum. Sindri Þór Guðmundsson gerði tvö af mörkum Keflavíkur og Axel Ingi Jóhannesson skoraði eitt.
Daníel Gylfason, sem leikið hefur með Kórdrengjum undanfarin fjögur tímabil, lék með Keflavík í leiknum.
Á miðvikudaginn kemur mætast svo Breiðablik og FH í úrslitaleiknum á Kópavogsvellinum.
