Írena skoraði beint úr hornspyrnu - „Búin að vera reyna þetta"

„Ég held að þetta hafi ekki verið endilega besti fótboltinn. Þetta snérist bara um hvort liðið yrði baráttumesta liðið á vellinum og hver ætlaði að koma boltanum inn í markið," sagði Írena.

Írena skoraði sigurmarkið beint úr hornspyrnu.

„Það er mikilvægt að koma boltanum í rétta svæðið og það hjálpar auðvitað að hafa vindinn í þessu. Maður er búin að vera reyna þetta, sérstaklega þegar maður er búinn að vera fá margar hornspyrnur er frábært að koma loksins einum í netið," sagði Írena.

Breiðablik hefur tapað í úrslitum Mjólkurbikarsins tvö ár í röð. Liðið er í hefndarhug.

„Það þarf að hefna fyrir seinustu ár. Það eru allir gríðarlega spenntir að komast aftur á völlinn og klára þetta núna," sagði Írena.