Kristján Ómar Björnsson, þjálfari Hauka
Kristján Ómar Björnsson, þjálfari Hauka í Inkasso-deildinni, var allt annað en sáttur með frammistöðu liðsins í 2-1 tapinu gegn Magna í Inkasso-deildinni í dag.
Lestu um leikinn: Magni 2 - 1 Haukar
Magni vann sinn þriðja leik á tímabilinu en Haukar voru að tapa áttunda leik sínum í deildinni.
Kristján virkaði mjög yfirvegaður í viðtalinu við Fótbolta.net í dag en lét samt sem áður sína menn heyra það.
„Sumir partar af spilamennskunni voru í lagi en aðrir voru í ólagi og hlutir í sóknarleiknum og varnarleiknum sem voru ekki nógu góðir en samt dálítið erfitt að setja fingur á hvað það var sem gerði það að verkum að úrslitin urðu á þennan veginn," sagði Kristján.
„Þeir skora stórglæsilegt mark og nýta færin sín nokkuð vel en við sýnum ansi mikið getuleysi á vallarhelming andstæðinganna, virkilegt getuleysi."
„Framhaldið er þannig að við erum með bakið upp við vegg og menn sýndu ekki í dag að þeir væru alvöru menn."
Kristján horfði á 2. flokk Hauka vinna Fjölni/Vængina 3-2 fyrir fimm dögum og velti því fyrir sér hvort hann hefði ekki bara átt að spila því liði í dag.
„Við erum það. Þetta var nú þannig að ég velti því fyrir mér hvort þetta hefði verið mikil lélegra ef ég hefði stillt upp 2. flokksliðinu í dag ef ég á að vera hreinskilinn eftir að hafa horft á þá í vikunni spila rosalega vel, þeir hefðu ekki gert verra mót hér í dag," sagði Kristján í lokin.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
