Ítalski framherjinn Federico Chiesa vakti athygli á sér á Evrópumótinu í sumar.
Hann breytti gangi leikja þegar hann kom inn af bekknum og hreifst fólk af sprengikraftinum og orkunni sem hann kom með á völlinn.
Chiesa er sterkur, hraður og beinskeyttur leikmaður sem ítalska stórveldið Juventus vill alls ekki láta af hendi.
Fyrrum Englandsmeistarar Liverpool voru orðaðir við Chiesa um helgina og ýmsir fjölmiðlar bæði á Ítalíu og Englandi sem héldu því fram að Juve hefði hafnað risatilboði frá Liverpool í framherjann.
Fréttamaðurinn virti Fabrizio Romano segir ekkert vera til í því. Liverpool og Bayern hafi vissulega áhuga á Chiesa en þau viti að hann sé ósnertanlegur og munu ekki leggja fram tilboð í hann í sumar. Hann segir að það sé enginn möguleiki á því að Chiesa verði leikmaður Liverpool í sumar.
Athugasemdir