Orri Steinn, sem verður tvítugur á morgun, er afar eftirsóttur en hann hefur líka verið orðaður við Englandsmeistara Manchester City ásamt mörgum öðrum félögum.

Bold segir frá því að Jokin Aperribay, forseti Real Sociedad, hafi flogið til Kaupmannahafnar á einkaflugvél til þess að ræða um Orra en hann hafi lent aftur heima í Baskalandi í gær.

Orri er efstur á óskalista Sociedad og er félagið sagt undirbúa stórt tilboð áður en glugginn lokar á föstudag.

Það er talið að FC Kaupmannahöfn vilji fá um 20 milljónir evra fyrir Orra.