Pele, sem er talinn einn og ef ekki besti leikmaður allra tíma, skoraði 77 mörk fyrir brasilíska landsliðið.

Hann vann HM þrisvar með Brasilíu, þar af tvö mót í röð. Fyrsta mótið vann hann 1958 og svo aftur fjórum árum síðar.

Árið 1970 vann hann þriðja mótið og var í leiðinni valinn besti leikmaður mótsins.

Landi hans, Neymar, er nú tveimur mörkum frá því að jafna markamet hans í brasilíska landsliðinu. Neymar skoraði eitt af mörkum Brasilíu í 5-1 sigrinum á Túnis í gær og er góður möguleiki á því að hann jafni og síðan bæti metið síðar á þessu ári.

Þetta gæti gerst á HM í Katar í nóvember. Neymar hefur skorað 75 mörk í 121 landsleik. Pele skoraði vissulega sín mörk í færri leikjum en það yrði engu að síður stórkostlegur árangur að bæta 51 árs gamalt markamet.