Keflavík er búið að semja við bandaríska sóknartengiliðinn Paula Germino-Watnick.
Paula leikur framarlega á miðjunni eða sem framherji og var lykilmaður í liði Gerogetown University í bandaríska háskólaboltanum.
Paula, 22 ára, vakti mikla athygli á sér í háskólaboltanum og var valin í tvö úrvalslið í fyrra.
Hún útskrifast í vor og verður því liðtæk fyrir Keflvíkinga í sumar.
„Paula er mjög spennt að koma til Íslands og taka þátt í verkefni sumarsins, að koma okkur aftur uppí Pepsí! Það eru því miklar væntingar til frammistöðu hennar í sumar í Inkasso," segir í Facebook færslu knattspyrnudeildar Keflavíkur.
Keflavík féll úr Pepsi Max-deildinni í fyrra og er markmiðið að komast beint aftur upp.
Athugasemdir