Sara í leiknum í dag.
„Það var ákveðinn sigur fyrir mig að spila 90 mínútur. Ég man ekki hvenær ég spilaði 90 mínútur síðast, það er langt síðan. Það jákvæða er að mér leið bara ótrúlega vel. Ég fann að það byrjaði að dragast aðeins af mér síðustu fimmtán mínúturnar en er ánægð að hafa fengið 90 mínútur í lappirnar," sagði Sara Björk Gunnarsdóttir eftir sigur Íslands á Póllandi í vináttulandsleik í dag.
Lestu um leikinn: Pólland 1 - 3 Ísland
„Við sjáum hvernig endurhæfingin verður og hvernig ég næ að 'recovera'. Skrokkurinn er bara ágætur en ég finn alveg að ég er með 90 mínútur í löppunum. Við fáum góða endurheimt á morgun, hvílum okkur og ég ætti að vera góð eftir tvo daga."
Fyrri hálfleikurinn í dag var ekki nægilega góður, Póllandi leiddi með einu marki í hléi en Ísland svaraði með þremur mörkum í seinni hálfleik.
„Við vorum ekki alveg að finna taktinn í fyrri hálfleiknum, frekar svekkjandi að við náðum ekki að halda út og þær skora í lokin. En mér fannst allt annað að sjá okkur í seinni hálfleik. Við stigum ofar, pressan virkaði miklu betur og við skoruðum þrjú mörk. Frábært að fá sigur fyrir EM, fá sjálfstraustið og mjög góður seinni hálfleikur," sagði Sara.
Viðtalið í heild sinni má sjá í spilaranum hér að ofan.
Athugasemdir
