Watford er búið að selja argentínska landsliðsmanninn Roberto Pereyra aftur til Udinese eftir fjögur ár á Englandi. Udinese borgar rúmlega 3 milljónir evra fyrir miðjumanninn framsækna.
Pereyra er 29 ára gamall og spilaði hann 115 leiki á tíma sínum hjá Watford, þar af 106 í ensku úrvalsdeildinni.
Hann gerði garðinn frægan með Udinese og Juventus í ítalska boltanum áður en Watford borgaði 15 milljónir evra til að kaupa hann í ágúst 2016.
Pereyra fer aftur í raðir Udinese en hann spilaði 98 leiki hjá félaginu áður en hann skipti yfir til Juve fyrir sex árum.
Hann á nítján leiki að baki fyrir Argentínu, sex þeirra spilaði hann í fyrra.
Til gamans má geta að umrædd félög eru í eigu Pozzo feðganna, þeirra Giampaolo og Gino.
Athugasemdir
