Huijsen er 19 ára gamall miðvörður sem var á láni hjá Roma á síðustu leiktíð.

Leikmaðurinn er fæddur í Amsterdam í Hollandi en flutti ungur að árum með fjölskyldu sinni til Spánar. Hann lék með unglingaliði Malaga áður en Juventus keypti hann fyrir þremur árum.

Hann lék 13 leiki með Roma í Seríu A á síðustu leiktíð og skoraði tvö mörk. Mörg félög sýndu áhuga á að fá hann í sumar en Bournemouth hafði hraðar hendur og landaði honum eftir nokkurra daga viðræður.

Bournemouth greiðir Juventus um 15 milljónir punda og gerði hann sex ára samning.

Flott kaup hjá Bournemouth á leikmanni sem er talinn vera einn af efnilegustu miðvörðum Evrópuboltans.