David Martin, markvörður West Ham, grét eftir að hafa haldið hreinu í 1-0 útisigri á Chelsea í ensku úrvalsdeildinni í dag.
Hinn 33 ára gamli Martin var að spila sinn fyrsta leik í ensku úrvalsdeildinni. Hann var eitt sinn á mála hjá Liverpool, en var ekki aðalmarkvörður þar. Hann hefur undanfarin ár leikið í B- og C-deild á Englandi, en í dag fékk hann loksins stóra tækifærið í úrvalsdeildinni.
Hann var fenginn til West Ham fyrir þetta tímabil og kom hann inn í liðið í dag fyrir Roberto, sem hefur ekki heillað með frammistöðu sinni. Lukas Fabianski, aðalmarkvörður West Ham, er meiddur.
Eftir leikinn féll Martin til jarðar og grét. Liðsfélagar hans voru fljótir að hlaupa í áttina að honum.
Hann fagnaði sigrinum með liðsfélögum sínum, en hljóp svo upp í fjölmiðlabox þar sem faðir hans, Alvin, var. David faðmaði föður sinn innilega.
Alvin Martin spilaði með West Ham í um 20 ár sem leikmaður og það var væntanlega gaman fyrir hann að sjá son sinn spila fyrir félagið.
West Ham keeper David Martin son of Hammers legend Alvin Martin in tears after getting a clean sheet VS Chelsea on his Premier League debut 🗣 pic.twitter.com/AHCgCARH1I
— Football Daily (@footballdaily) November 30, 2019
So much love for this photo. A proud dad hugging his son after keeping a clean sheet on his PL debut...at 33 years old. And his dad was club captain. We all love @alvinmartin58 at talkSPORT...but his love for his lad Dave goes way beyond that pic.twitter.com/pHsNRMgk3B
— Ian Danter (@talkdants) November 30, 2019
Athugasemdir