Íslenski landsliðsmarkvörðurinn Elías Rafn Ólafsson varði mark Midtjylland í 3-1 sigri á OB í dönsku úrvalsdeildinni í kvöld.
Jonas Lössl, aðalmarkvörður Midtjylland, var ekki með í dag þar sem hann tók út leikbann eftir að hann gagnrýndi dómara eftir leik liðsins við Silkeborg.
Elías, sem heur verið varaskeifa fyrir Lössl á tímabilinu, kom því í búrið og hjálpaði liði sínu að landa sigrinum.
Aron Elís Þrándarson byrjaði á miðsvæðinu hjá OB en var skipt af velli á 76. mínútu.
Midtjylland er í efsta sæti fallriðilsins með 31 stig á meðan OB er í þriðja sæti riðilsins með 28 stig.
Athugasemdir