Igor Thiago.
Brentford hefur staðfest að sóknarmaðurinn Igor Thiago spilar ekki aftur fyrr en seint á þessu ári. Hann meiddist á hné í æfingaleik gegn Wimbledon á dögunum.
Brentford gekk frá kaupum á Thiago frá Club Brugge í febrúar en hann kláraði tímabilið í Belgíu og mætti síðan til Brentford í sumarglugganum. Hann er dýrasti leikmaður í sögu enska úrvalsdeildarfélagsins en hann kostaði 33 milljónir evra.
Brentford gekk frá kaupum á Thiago frá Club Brugge í febrúar en hann kláraði tímabilið í Belgíu og mætti síðan til Brentford í sumarglugganum. Hann er dýrasti leikmaður í sögu enska úrvalsdeildarfélagsins en hann kostaði 33 milljónir evra.
Thiago er búinn að fara í aðgerð og þarf að bíða í nokkuð langan tíma eftir sínum fyrsta leik í ensku úrvalsdeildinni.
Þessi tíðindi gætu haft áhrif á framtíð Ivan Toney hjá Brentford, en það er ekki útlit fyrir að hann sé á förum.
Toney er að fara inn í sitt síðasta samningsár hjá Brentford, en það hefur verið lítill áhugi á honum í sumar. Brentford verðmetur hann á 70 milljónir punda.
Athugasemdir
