Magnús Már Einarsson skrifar frá Englandi
,,Þetta var frábær sigur hjá okkur. Við vorum allir að berjast og þó að við höfum lent undir þá brotnuðum við ekki niður heldur héldum okkar striki og náðum að setja tvö frábær mörk á þá, og unnum frábæran sigur," sagði Hjörtur Logi Valgarðsson vinstri bakvörður U21 árs landsliðsins eftir sigurinn á Englendingum í kvöld.
,,Við lágum svolítið til baka á tímabili en þegar við fórum fram með boltann og náðum smá spili þá vorum við að opna þá og mér fannst við spila mjög vel í dag."
Hjörtur Logi átti í höggi við Marc Albrighton leikmann Aston Villa en hann er einn besti leikmaðurinn í enska hópnum.
,,Hann er góður leikmaður og mjög snöggur. Það er erfitt að eiga við hann en ég held að ég hafi náð að halda honum þokkalega niðri," sagði Hjörtur en Albrighton var orðinn pirraður á honum í síðari hálfleiknum.
,,Hann var að sparka létt í mig en það var bara smá," sagði Hjörtur.
Hér að ofan má sjá viðtalið í heild sinni.
