Heimir Guðjónsson þjálfari FH var sáttur með 1-0 sigurinn gegn Keflavík í Pepsi deild karla í kvöld. Þetta var þriðji sigur FH-inga í röð í deildinni og eru bikarmeistararnir allir að koma til.
„Við þurftum þvílíkt að hafa fyrir þessu eftir að Keflavík missti mann út af. Þeir voru mjög vel skipulagðir og okkur hefði mátt ganga betur að brjóa þá til baka, en engu að síður fengum við fullt af góðum færum og náðum að klára þetta,“ sagði Heimir við Fótbolta.net.
„Við vorum kannski ekki nógu klókir að fara út á vængina og svo ná þeir að drepa niður tempóið í leiknum, tóku sér tíma í allt og við kannski duttum niður á þeirra tempó á kafla. Við hefðum mátt fara meira upp á vængina.“
„Mér fannst við spila mjög vel á köflum þegar boltinn var að ganga í fáum snertingum og við vorum að gera góða hluti. En 1-0 var nóg.“
