Kristín Erna skoraði tvö gegn Þrótti
„Þetta var ógeðslega gaman í góðu veðri og þetta var flottur fótbolti fannst mér,“ sagði Kristín Erna Sigurlásdóttir, framherji ÍBV, í samtali við Fótbolta.net eftir 5-0 sigur á Þrótti í Laugardalnum.
Kristín Erna stóð sig vel í leiknum og skoraði tvö af mörkum ÍBV. Hún sagði sigurinn vera verðskuldaðan þó að Þróttarar hafi fengið nokkur ágæt marktækifæri.
„Þær áttu þarna dauðafæri sem þær hefðu getað nýtt en mér fannst við yfirspila þær allan tímann. Þannig að mér fannst þetta vera nokkuð sanngjörn úrslit.“
„Við sýnum það í þessum leik hvað við getum. Við erum búnar að vera í svolítilli lægð en við rífum okkur upp auðvitað“, sagði Kristín Erna meðal annars en nánar er rætt við hana í sjónvarpinu hér að ofan.
