Andri skorar þriðja mark sitt í kvöld.
,,Það er gaman að þessu, það er gaman að skora fjögur mörk [...] ég hefði nú alveg getað skora fleiri" sagði Andri Björn Sigurðsson leikmaður Gróttu sem gerði sér lítið fyrir og skoraði fernu í kvöld 4-1 sigri Gróttu á ÍR, en Andri Björn er uppalinn ÍR-ingur en skipti yfir í Gróttu fyrir tímabilið frá ÍR.
,,Mér fannst við vera töluvert betri aðilinn allan leikinn, það var ekkert flóknara en það. Þeir fengu einhvern fimm mínútuna kafla í lokin sem þeir áttu nokkur færi annars vorum við mikið betri allan leikinn," sagði markaskorarinn, en með sigrinum komust Gróttumenn í 18 stig, þremur stigum fleiri en ÍR-ingar en baráttan framundan um að halda sér í deildinni verður mikil í síðustu umferðunum.
,,Mér finnst auðvitað leiðinlegt ef ÍR er að fara falla, en það er nóg af leikjum eftir en það er gaman að skora fjögur mörk. Ég var ekki að fá þann spiltíma sem ég sætti mig við hjá ÍR," sagði Andri aðspurður út í félagskiptin í Gróttu frá ÍR í vetur og svo að sjálfsögðu hvort það hefði nokkuð verið leiðinlegt að skora fjögur mörk gegn þeim.
Viðtalið við Andra Björn eftir leikinn í kvöld, er hægt að sjá í sjónvarpinu hér að ofan.
