Halldór Arnarsson skoraði fyrra mark ÍR þegar liðið sigraði Hött 2-1 í fyrstu deild karla í dag. Halldór hafði betur í baráttu við Óttar Stein Magnússon fyrirliða Hattar og skallaði boltann í netið.
,,Það var búið að tala mikið um það fyrir leikinn að þetta væri einn besti skallamaðurinn í deildinni og ég ætti að klára hann í öllum föstum leikatriðum," sagði Halldór við Fótbolta.net eftir leik.
,,Ef leikmaðurinn sem þú spilar á móti er betri en þú þá verður stundum að svindla aðeins á honum. Ég gerði það og hann sá það ekki dómaranum. Þetta var ekki neitt. Hann gerði þetta alltaf á móti þannig að var þetta ekki bara sanngjarnt."
ÍR-ingar komu til baka í gær eftir að hafa verið 1-0 undir í hálfleik rétt eins og um síðustu helgi þegar liðið lagði Tindastól 4-2 eftir að hafa verið 2-0 undir í leikhléi.
,,Við nennum ekkert að mæta fyrr en seinni hálfleikur byrjar og við hljótum að vera orðnir besta seinni hálfleiks liðið á landinu."
Hér að ofan má sjá viðtalið í heild sinni.
