Æfingar leyfðar í Noregi á nýjan leik

Landlæknaembættið í Noregi gaf í dag út að leyfilegt sé að hafa skipulagðar æfingar á fótboltavöllum í Noregi. Allar æfingar hafa legið niðri að undanförnu vegna kórónuveirunnar en nú verður leyfilegt að æfa samkvæmt ákveðnum reglum.

Ekki mega fleiri en fimm leikmenn æfa saman í einu og passa skal upp á að tveir metrar séu að á milli leikmanna.

Þá er skylda að fullorðinn þjálfari fylgist með æfingum hjá yngri flokkum. Ekki er leyfilegt að nota búningsklefa í tengslum við æfingar og allir leikir eru ennþá bannaðir.