Hinn tvítugi Smith Rowe hefur verið einn af ljósu punktunum í liði Arsenal á þessari leiktíð og nú er ljóst að félagið ætlar að bjóða honum nýjan samning. Núverandi samningur hans rennur út árið 2023.

Þessi uppaldni leikmaður Arsenal hefur tekið þátt í 27 leikjum á þessari leiktíð þar sem hann hefur skorað tvö mörk og lagt upp sjö.

„Við munum ræða við hann. Ég held að Emile á rétt á því að fá nýjan samning því hann hefur svo sannarlega unnið fyrir honum," sagði stjórinn.

Eins og áður segir hefur Smith Rowe staðið sig mjög vel á þessari leiktíð en gengi liðsins hefur verið mikil vonbrigði.

Arsenal er þó komið í undanúrslit Evrópudeildarinnar og sigur í þeirri keppni gæti breytt öllu. Þá kemst liðið í Meistaradeild Evrópu á næstu leiktíð.