Jürgen Klopp var svekktur eftir tap gegn Arsenal í vítaspyrnukeppni í 16-liða úrslitum enska deildabikarsins.
Leiknum lauk með markalausu jafntefli þrátt fyrir mikla yfirburði Liverpool. Bernd Leno átti stórleik á milli stanga Arsenal og varði tvisvar í vítaspyrnukeppninni.
„Við áttum skilið að vinna þennan leik eftir 90 mínútur en við lifum ekki í draumaheimi, við verðum að koma boltanum í netið til þess að vinna leikinn," sagði Klopp.
„Ég er ánægður með flest sem ég sá í kvöld, strákarnir stóðu sig mjög vel en það er alltaf erfitt að hafa betur í vítaspyrnukeppni. Eina sem okkur vantaði í kvöld voru mörkin.
„Strákarnir voru frábærir og hefðu allt eins getað verið að spila úrvalsdeildarleik, það vantaði bara gæðin í síðustu sendingunni."
Klopp var að lokum spurður út í Xherdan Shaqiri sem gæti verið á förum frá Liverpool.
„Sumir leikmenn spiluðu ekki í dag því þetta er sá tími árs sem hlutir gerast í bakgrunninum. Við leystum fjarveru hans vel."
Athugasemdir