Daníel Hafsteinsson.
Sveinn Margeir Hauksson.
Víkingur hefur fengið Daníel Hafsteinsson og Svein Margeir Hauksson frá KA. Báðir riftu þeir samningum sínum við bikarmeistarana.
Daníel, sem er 25 ára, átti virkilega gott tímabil með KA í sumar, skoraði fimm mörk í 25 deildarleikjum og tvö mörk í fjórum bikarleikjum. Hann var á bekknum í liði ársins hér á Fótbolti.net.
Sveinn Margeir, sem er 23 ára sóknarmiðjumaður, verður einungis í um sex vikur á Íslandi næsta sumar þar sem hann er í háskólanámi í Bandaríkjunum.
Daníel, sem er 25 ára, átti virkilega gott tímabil með KA í sumar, skoraði fimm mörk í 25 deildarleikjum og tvö mörk í fjórum bikarleikjum. Hann var á bekknum í liði ársins hér á Fótbolti.net.
Sveinn Margeir, sem er 23 ára sóknarmiðjumaður, verður einungis í um sex vikur á Íslandi næsta sumar þar sem hann er í háskólanámi í Bandaríkjunum.
„Báðir eru þeir gríðarlega spennandi leikmenn. Daníel getur spilað meira eða minna allar stöður miðsvæðis á vellinum. Sveinn Margeir er gríðarlega kraftmikill leikmaður sem getur spilað allar framliggjandi stöður. Það skiptir okkur miklu máli að fá ákveðna tegund af leikmönnum í Víkina og báðir passa þeir fullkomlega inn í þá hugmyndafræði sem við vinnum eftir hér í Hamingjunni," segir Kári Árnason, yfirmaður fótboltamála hjá Víkingi, við heimasíðu félagsins.
„Það er klárlega alvöru áhugi, á bæði Daníel og Sveini Margeiri. Þetta eru tveir toppleikmenn, tveir toppstrákar. Þegar svona gaurar eru fáanlegir þá verðum við að reyna selja þeim að koma hingað," sagði Arnar Gunnlaugsson, þjálfari Víkings, við Fótbolta.net í síðustu viku.
Gísli Gottskálk Þórðarson sprakk út hjá Víkingi í sumar og var í lykilhlutverki í liðinu seinni hluta tímabilsins. Hann er tvítugur og eru taldar góðar líkur á því að hann fari út í atvinnumennsku í vetur. Það þarf að fylla í hans skarð og þá er óvíst hvenær og hvernig Pablo Punyed snýr aftur á völlinn en hann sleit krossband í júlí.
Daníel hefur leikið meira og minna allan ferilinn með KA en fór til Helsingborgar árið 2019 og kom heim og lék eitt tímabil hjá FH árið 2020 áður en hann fór aftur til KA snemma árs 2021. Daníel á að baki 19 landsleiki fyrir yngri landslið íslands og hefur skorað í þeim eitt mark. Hann lék sinn fyrsta A-landsleik gegn Suður Kóreu þann 11.nóvember 2022.
Sveinn Margeir Hauksson hefur sömuleiðis leikið meira og minna allan sinn feril með KA og stundar meistaranám i fjármálaverkfræði í Bandaríkjunum.
Knattspyrnudeild Vikings tilkynnir að Daníel Hafsteinsson og Sveinn Margeir Hauksson eru komnir í Víkina. ??????
— Víkingur (@vikingurfc) December 1, 2024
Sjá nánar hér : https://t.co/Wc7vruq4P0 pic.twitter.com/7b9taulpyw
Athugasemdir
