Besta deildin: Vestri lagði Stjörnuna - Fengið á sig níu mörk í tveimur leikjum

Vestri vann frábæran sigur á Stjörnunni á AVIS vellinum í dag en þetta var annað tap Stjörnunnar í röð. Vestri komst aftur á sigurbraut eftir fjóra leiki í röð án sigurs.

Vestra menn byrjuðu leikinn gríðarlega sterkt en Jeppe Gertsen kom liðinu yfir strax á fjórðu mínútu. Fjórum mínútum síðar bætti Johannes Selvén við öðru marki þegar hann komst einn gegn Árna Snæ og skoraði af öryggi.

Stjörnumenn steinsofandi í upphafi leiks en þeir vöknuðu örlítið til lífsins þegar hinn 19 ára gamli Haukur Örn Brink skoraði sitt fyrsta mark í efstu deild með laglegu skoti.

Aftur tókst Vestra að ná tveggja marka forystu þegar Silas Songani lék á tvo varnarmenn Stjörnunnar og kláraði færið vel. Aftur skoraði svo Haukur fyrir Stjörnuna aðeins mínútu síðar og staðan 3-2 í hálfleik.

Toby King gerði svo út um leikinn þegar með glæsilegu marki. Hann lék á Jóhann Árna og smurði boltann í samskeytin.