Cecilía var langbesti leikmaður Íslands.
Við hefðum þurft að finna Karólínu betur.
Úr leiknum.
Sveindís fór illa með góðar stöður.
Það er ekki hægt að vera mjög bjartsýnn né glaður eftir leik Íslands gegn Finnlandi í fyrsta leik á Evrópumótinu. Leikurinn endaði 1-0 fyrir Finnland og var frammistaða Íslands í leiknum léleg lengst af. Það náðist enginn taktur og það var lítil sem engin ró á boltanum. Frammistaðan var aðeins betri eftir að við urðum einum færri, eins furðulega og það hljómar.
Stelpurnar þurfa heldur betur að rífa sig í gang ef þær ætla sér að gera eitthvað á þessu móti. Við byrjuðum á auðveldasta andstæðingnum og fengum ekkert úr þeim leik.
Hér fyrir neðan má sjá einkunnir Fótbolta.net úr leiknum.
Stelpurnar þurfa heldur betur að rífa sig í gang ef þær ætla sér að gera eitthvað á þessu móti. Við byrjuðum á auðveldasta andstæðingnum og fengum ekkert úr þeim leik.
Hér fyrir neðan má sjá einkunnir Fótbolta.net úr leiknum.
Lestu um leikinn: Ísland 0 - 1 Finnland
Cecilía Rán Rúnarsdóttir - 7
Langbesti leikmaður Íslands í þessum leik og það segir mikið. Bjargaði því að við fengum ekki fleiri mörk á okkur.
Guðný Árnadóttir - 3
Átti mjög dapran dag, því miður. Virkaði mjög stressuð í fyrri hálfleiknum og lokaði ekki nægilega vel í markinu.
Glódís Perla Viggósdóttir - 5
Það var vont að missa fyrirliðann af velli í hálfleik.
Ingibjörg Sigurðardóttir - 5
Var ekki nægilega góð á boltanum og virkaði óörugg á köflum.
Guðrún Arnardóttir - 4
Átti eina hörmulega sendingu í fyrri hálfleik sem skapaði hættulegt færi fyrir Finna. Líður ekki vel í bakverðinum en var skárri í seinni hálfleik.
Alexandra Jóhannsdóttir - 5
Það var kraftur í henni og það er meira en hægt er að segja um marga aðra leikmenn Íslands.
Hildur Antonsdóttir - 3
Skildi liðið eftir í vondri stöðu þegar hún fékk rautt spjald í seinni hálfleik. Náði sér ekki á strik fyrir það.
Hlín Eiríksdóttir - 4
Náði ekki miklum takti í leiknum og var tekin af velli snemma í seinni hálfleik.
Karólína Lea Vilhjálmsdóttir - 5
Komst ekki mikið í boltann og það er miður. Við vorum mikið að negla honum fram í staðinn fyrir að finna Karólínu. Ef við hefðum fundið hana betur, þá hefði kannski gengið betur.
Sveindís Jane Jónsdóttir - 4
Fundum hana ekki mikið og fór illa með tvær góðar stöður í seinni hálfleik. Vel gert hjá Finnunum að loka á hana.
Sandra María Jessen - 5
Hélt boltanum ágætlega í fyrri hálfleik en hefði getað komið Íslandi yfir þegar hún var í dauðafæri. Setti boltann í varnarmann.
Varamenn:
Sædís Rún Heiðarsdóttir - 5
Agla María Albertsdóttir - 4
Dagný Brynjarsdóttir - 5
Katla Tryggvadóttir - 6
Næstu leikir Íslands:
6. júlí gegn Sviss
10. júlí gegn Noregi
Athugasemdir
